தெ. நித்தியகீர்த்தி (1947 – 2009) பருத்தித்துறை, புலோலியில் பிறந்த இவர் சிறுகதை, நாவல், நாடகம் முதலான துறைகளில் ஈடுபாடு கொண்ருந்தவர். இலங்கையின் வடபகுதியிலான நாடக மேடையேற்றங்களூடும், தினகரன் பத்திரிகையில் பிரசுரமான கடவுள் கதைப்பாரா என்ற சிறுகதையூடும் இலக்கிய உலகத்துக்கு அறிமுகமானவர்.
அருண் விஜயராணி ( 1954 – 2015) புலம்பெயர்ந்த மூத்த பெண் படைப்பாளிகளில் ஒருவர். 1989 ஆம் ஆண்டில் இருந்து புலம்பெயர்ந்து அவுஸ்திரேலியாவில் மெல்பனில் வாழ்ந்து வந்தவர்.
காவலூர் ராசதுரை என அழைக்கப்படும் மரியாம்பிள்ளை டேவிட் ராஜதுரை ( 1931 – 2014) இலங்கையில் காவலூரைப் பிறப்பிடமாகக் கொண்டவர். இலங்கை ஒலிபரப்புக் கூட்டுத்தாபனத்தில் நீண்ட காலம் பணியாற்றியவர். சிறுகதை, நாவல், நாடகம், விமரிசனம், மதிப்பாய்வு, திரைப்படம் முதலான துறைகளில் ஈடுபாடு கொண்டவர். புலம் பெயர்ந்து அவுஸ்திரேலியா சிட்னி நகரில் வாழ்ந்து வந்தவர்.
எஸ்.பொ. என அறியப்படும் சண்முகம் பொன்னுத்துரை ( 1932 – 2014) சிறுகதை, புதினம், நாடகம், கவிதை, விமர்சனம், சுயசரிதை, மொழிபெயர்ப்பு, அரசியல் என பல பரிமாணங்களிலும் எழுதியவர். 40 இற்கும் மேற்பட்ட நூல்களை வரவாக்கியவர். 1989 முதல் புலம் பெயர்ந்து அவுஸ்திரேலியா சிட்னியில் இருந்தவாறு தமிழ்நாட்டில் சென்னையில் மித்ர என்ற பதிப்பகத்தை நிறுவி நூல் வெளியீடுகளிலும் ஈடுபட்டிருந்தார்.
